NIKOLAI LUGANSKY

 | piano |

Nikolai Lugansky é un dos pianistas máis distinguidos na actualidade a nivel internacional. Un intérprete excepcional, cunha intensidade, sensibilidade e versatilidade que o levou a actuar nalgúns dos festivais máis prestixiosos do mundo.

Os seus traballos regulares con directores de alto nivel como Osmo Vänskä ou Yuri Temirkanov, os seus recitais de cámara en festivais coma o de Edimburgo ou La Roque d’Anthéron e as súas actuacións coa Orquestra Nacional de Rusia, a Filharmónica de Hong Kong ou as sinfónicas de Londres e Baltimore, concedéronlle o aplauso de público e crítica nos últimos anos.

Nado en Moscova en 1972 e formado no Conservatorio Superior P. I. Tchaikovsky baixo a direción de T. Nikolaeva e S. Dorensky iniciou a súa carreira a unha idade moi temperá. Con 16 anos comezou a destacar en concursos internacionais de piano coma o VII Concurso Internacional J. S. Bach de Leipzig ou o Concurso S. Rachmaninov.

Coa súa extensa discografía, Nikolai Lugansky gañou varios premios: o seu recital CD coas Sonatas para piano de Rachmaninov gañou o  Diapason d’Or e un premio ECHO Klassik, mentres que a súa gravación dos concertos de Grieg e Prokofiev con Kent Nagano e a Orquestra Sinfónica de Berlín, foi un Gramophone Editor’s Choice.

Lugansky foi galardoado coa honra de Artista Popular de Rusia, en abril de 2013.

PROGRAMA

I Parte (38′)

  • Claude Debussy (1862 – 1918) | Suite Bergamasque (17′) | Prélude | Menuet | Clair de lune | Passepied
  • Fréderic Chopin (1810 – 1849) | Barcarolle en FA sostido maior Op. 60 (9′)
  • Fréderic Chopin (1810 – 1849) | Ballade no. 4 en FA menor Op. 52 (11′)

II Parte (45′)

  • Serguéi Rajmáninov (1873 – 1943) | Preludes Op. 23 no. 1, 3, 4, 5, 6, 7
  • Serguéi Rajmáninov (1873 – 1943) | Preludes Op. 32 no. 1, 2, 5, 6, 9, 12, 13

Xoves 7 Xuño | 20:30 h | Teatro Principal | Ourense

Entradas online á venda ou dende dúas horas antes do concerto na billetería do teatro

MERCAR ENTRADAS ONLINE