JAVIER PERIANES

piano

Descrito coma “un pianista de impecable e refinado gusto, dotado dunha extraordinaria calidez sonora” (The Telegraph), a súa carreira internacional abrangue cinco continentes con concertos que o levaron a algunhas das salas máis prestixiosas do mundo e  a traballar con mestres como Barenboim, Dutoit, Dudamel, Mehta, Maazel, Frühbeck de Burgos, Harding, Temirkanov e V. Petrenko, e con orquestras como a Wiener Philharmoniker, Chicago, as sinfónicas de Boston, San Francisco e Atlanta, Cleveland Orchestra, Filarmónica de Nova York, London Philharmonic, Israel Philharmonic, London Symphony e Orchestre de Paris, entre outras.

Na temporada 2018-19, Perianes emprenderá unha xira por España coa London Philharmonic Orchestra e Juanjo Mena que culminará en Londres coa integral dos concertos para piano de Beethoven no Royal Festival Hall. Tamén interpretará a Beethoven nunha xira con orquestras por Australia e Nova Celandia, e embarcarase nun tour polos Estados Unidos interpretando o Concerto para piano nº 27 de Mozart xunto á Orpheus Chamber Orchestra, finalizando co seu regreso ao Carnegie Hall de Nova York.

Javier Perianes é un artista exclusivo do selo “Harmonia mundi”. A súa extensa discografía abrangue dende  Beethoven, Mendelssohn, Schubert, Grieg, Chopin, Debussy, Ravel e Bartók ata Blasco de Nebra, Mompou, Falla, Granados e Turina. Os seus derradeiros álbums inclúen as sonatas D.960 e D.664 de Franz Schubert, “un verdadeiro agasallo lírico” (Gramophone), e o Concerto nº 3 de Béla Bartók xunto á Münchner Philharmoniker e Pablo Heras Casado.

 

PROGRAMA

I Parte

  • Frédéric Chopin (1810-1849)
    • Nocturnos op. 48 (14′) | Op. 48 No. 1 en Do menor | Op. 48 No. 2 en Fa sostido menor
    • Sonata No. 3 en Si menor op. 58 (25′) | Allegro maestoso | Scherzo. Molto vivace | Largo | Finale. Presto, non tanto

II Parte

  • Claude Debussy (1862-1918)
    • Preludes (selection) (23′)| Danseuses de Delphes | Le vent dans la plaine | La fille aux cheveux de lin | Le sérénade interrompue | La cathédrale engloutie | Minstrels
  • Manuel de Falla (1876-1946)
    • El Amor Brujo (16′) | Pantomima | Danza del Terror | Círculo Mágico | Danza Ritual del Fuego

Web de Javier Perianes

Xoves 13 Decembro | 20:00 h | Teatro Principal | Ourense

Entradas online á venda ou dende dúas horas antes do concerto na billeteira do teatro

MERCAR ENTRADAS ONLINE