Remata a IV edición

O concerto do dúo García Jermann – Moretti puxo fin á cuarta edición do ciclo ourensán de música de cámara “Enclave de Cámara”, que se desenvolveu entre o Teatro Principal e o Lice de Ourense entre outubro e xuño de 2017.

Ademáis do dúo piano – violonchelo que pechou a tempada, pasaron este ano pola cidade de Ourense artistas da talla de Juan P. Floristán (piano), a orquestra de cámara da Real Filharmonía de Galicia, o Cuarteto Akilone (vento), as Irmás Naughton (piano), The Brahms Project (cuarteto de vento e piano), Cuarteto Attacca (vento) e Zoar (quinteto de vento).

Moi agradecidos dende a organización a público, músicos, técnicos e institucións que o fixeron posible. Se precisas poñerte en contacto connosco, este é o noso mail:

info@enclavedecamara.com

THE BRAHMS PROJECT NO CONSERVATORIO DE MÚSICA DE OURENSE

Horas antes do concerto de The Brahms Project ofreceu no Teatro Principal de Ourense, dous dos integrantes do cuarteto –Josep Colomé (piano) e David Apellániz (violonchelo)- mantiveron un encontro con alumnos e público xeral no Conservatorio de Música de Ourense.

Falaron da súa traxectoria e experiencias coma solistas e coma parte do “Proxecto Brahms” e agasallaron ó público cun arranxo para violín e violonchelo da Cançó del Lladre, canción popular catalana composta no século XVIII.

CONCERTO DO CUARTETO AKILONE NO LICEO DE OURENSE

O Enclave de Cámara muda – unicamente para este concerto – de escenario!
Desta vez, o concerto terá lugar no Liceo de Ourense o xoves 3 de novembro ás 20:30h, onde as catro músicas que compoñen o Cuarteto Akilone nos deleitarán cun variado repertorio con tres cuartetos, dende Haydn ata Ravel, intercalando un cuarteto de Mendelssohn.
As entradas están xa á venda online por un prezo único de 5 € ou, se prefires, no propio Liceo (Rúa Valentín Lamas Carvajal, 5) dende unha hora antes do concerto.

PRESENTACIÓN DA IV TEMPADA

O claustro de San Francisco acolleu esta mañá a presentación da IV tempada do Ciclo de música Enclave de Cámara, que se desenvolverá no Teatro Principal os primeiros mércores ou xoves de cada mes ás 20:30 horas ata xuño de 2017. “Tratamos de conciliar unha oferta que inclúa sectores amplos de público, chegando tamén a un estilo coma o da música de cámara”, afirmaba a titular de Cultura, Belén Iglesias, “un cartel de luxo para a cidade de Ourense, que traerá a magníficos artistas, e ademais incrementa a representación galega dentro ciclo”, dixo. Xunto á concelleira, estiveron presentando o ciclo Enclave de Cámara Patrick Alfaya, colaborador artístico do ciclo, e Carlos M. Carbonell, produtor do mesmo.

A primeira cita co ciclo será o vindeiro 6 de outubro coa Real Filharmonía de Galicia dirixida por James Dahlgren, e ao longo dos vindeiros meses pasarán polo Principal formacións coma o cuarteto Attaca, The Bramhs Project ou o quinteto de vento e madeira Zoar. O ciclo é unha programación estable de concertos, organizada polo departamento de Cultura do Concello de Ourense. Nesta IV edición, de maneira similar ao resto dos anos, procúrase ofrecer un programa amplo, no que dar cabida a todo tipo de propostas e achegar ao público da cidade unha oferta musical e de calidade.